Valur hefur staðfest komu Frederik Schram til félagsins frá Lyngby. Hann gerir samning til ársins 2024.
Schram er 27 ára gamall og var á mála hjá Lyngby í Danmörku. Hann var varamarkvörður þar undir stjórn Freys Alexanderssonar. Liðið er komið upp í úrvalsdeildina undir stjórn Freys.
@Valurfotbolti @bestadeildin @Fotboltinet pic.twitter.com/ArvyUZ1Cxu
— ValurFotbolti (@Valurfotbolti) June 24, 2022
Markvörðurinn er með tvöfalt ríkisfang, íslenskt og danskt. Hann fór með íslenska landsliðinu á Heimsmeistaramótið í Rússlandi árið 2018.
433.is sagði fyrst allra frá því á síðasta ári að Frederik væri í viðræðum við Val.
Hann mun berjast við Guy Smit um stöðu markvarðar en félagið ákvað að losa sig við Hannes Halldórsson síðasta haust.