Augsburg, lið Alfreðs Finnbogasonar, tapaði 3-2 gegn Stuttgart í Bundesliga, efstu deild þýska boltans í dag.
Alfreð var ekki með vegna meiðsla.
Augsburg situr í fimmtánda sæti deildarinnar með 26 stig, jafnmörg stig og Hertha Berlin sem er í því sextánda. Það lið sem hafnar í sextánda sæti í lok tímabils fer í umspil við liðið í þriðja sæti í B-deild um það að spila í efstu deild á næstu leiktíð. Augsburg á þó leik til góða á Hertha.
Aðrir leikir í dag í Bundesliga
Hertha Berlin 3-0 Hoffenheim
Greuther Furth 0-0 Freiburg
Mainz 4-0 Arminia Bielefeld
Í þýsku B-deildinni lék Guðlaugur Victor Pálsson allan leikinn með Schalke í 2-1 sigri á Hannover. Hann er fyrirliði liðsins.
Schalke situr í fjórða sæti deildarinnar með 47 stig, stigi á eftir umspilssæti.