Eiður Benedikt Eiríksson er tekinn við þjálfun Þróttar Vogum. Liðið leikur sem nýliði í Lengjudeild karla á næstu leiktíð.

Eiður hefur undanfarin ár þjálfað kvennalið Vals ásamt Pétri Péturssyni. Varð liðið Íslandsmeistari í sumar.

Hermann Hreiðarsson stýrði Þrótti upp úr 2. deild í sumar. Hann tók hins vegar við þjálfun ÍBV á dögunum. Félagið þurfti því að ráðast í þjálfaraleit.

Yfirlýsing Þróttar Vogum

Eiður Ben er fæddur árið 1991 og uppalinn hjá Fjölni. Eiður hefur þjálfað lið Valskvenna í efstu deild í samstarfi við Pétur Pétursson og urðu þær Íslandsmeistarar á dögunum.

Þróttur Vogum sigraði 2. deildina í haust. Félagið er því í fyrsta sinn í næstefstu deild og verður 90 ára 2022.