Marcus Rashford, framherji Manchester United hefur síðasta árið barist fyrir því að börn í Bretlandi fari ekki svöng að sofa. Börn sem treysta á máltíðir í skólakerfinu hafa upplifað erfiða tíma vegna kórónuveirunnar.

Skólum hefur ítrekað verið lokað og þannig er staðan í Bretlandi þessa dagana, til að tryggja að börnin færu ekki svöng í gegnum daginn lagði ríkisstjórnin til fjármuni á þessum tímum.

Hver fjölskylda sem glímir við fjárhagsvandræði fær matarpakka heim til sín, pakkinn sem afhentur var í vikunni hefur hins vegar vakið mikla reiði. „Matur í þrjá daga fyrir heila fjölskyldu,“ skrifar Rashford með pakka af mat sem fátæk fjölskylda fékk heim til sín.

Maturinn sem á að koma til fjölskyldu á að kosta 30 pund, ef farið væri út í búð að versla þennan mat sem sjá má hér að neðan. Myndi hann kosta í kringum 5 pund samkvæmt útreikningi Rashford.

Rashford gengur hart fram í þessum málum og hefur fengið mikið lof fyrir, í morgun ræddi hann við Boris Johnson, forsætisráðherra Bretlands um stöðu mála.

„Átti gott spjall við forsætisráðherrann, hann lofaði mér því að laga þetta mál er varðar matarpakkana og sagði að málið væri til skoðunar og yrði leiðrétt. Hann var sammála mér að miðað við myndirnar á Twitter að þetta væri óboðlegt,“ skrifar Rashford.

And another one…😔 pic.twitter.com/hCCFCxC5HL

— Marcus Rashford MBE (@MarcusRashford) January 11, 2021