Freyr Alexandersson er að taka við Lyngby í dönsku B-deildinni ef marka má fréttir BT í Danmörku.
Hann mun skrifa undir tveggja ára samning. Ráðningin verður staðfest síðar í vikunni.
Freyr fundaði með stjórnarmönnum Lyngby í dag. Þar seldi hann þeim sína hugmyndafræði.
Freyr var síðast aðstoðarþjálfari Heimis Hallgrímssonar hjá Al Arabi í Katar. Þar áður var hann aðstoðarmaður Erik Hamren hjá íslenska landsliðinu.
Lyngby leikur í dönsku B-deildinni á næstu leiktíð eftir að hafa fallið úr efstu deild í vor. Hinn 38 ára gamli Freyr fær það verkefni að koma liðinu aftur í deild þeirra bestu.
