,,Christian Eriksen getur andað og talað. Hann er vakandi.“ Þetta sagði umboðsmaður leikmannsins eftir að hafa rætt við föður hans.
Mjög drungalegt atvik kom upp í leik Dana og Finna á Evrópumótinu í dag þegar Eriksen hneig til jarðar. Það var lítið um að vera þegar hann féll til jarðar og fljótt kom í ljós að um eitthvað alvarlegt væri að ræða. Sjúkrastarfsmenn mættu á staðinn og beittu hjartahnoði.
Það kom svo í ljós stuttu síðar að leikmaðurinn hafi verið fluttur á sjúkrahús með meðvitund. Ansi góðar fréttir. Eins og fram kom ofar getur leikmaðurinn nú einnig talað.
Leiknum var að sjálfsögðu frestað en búist er við nánari upplýsingum hvað það varðar innan skamms.
“Christian Eriksen breathes and can speake. He’s awake”. Martin Schoots, Eriksen agent, just told this to NPO Radio1 after speaking with Christian’s father, reports @OzcanAkyol. 🇩🇰❤️🙏🏻 #prayforEriksen
— Fabrizio Romano (@FabrizioRomano) June 12, 2021