Englandsmeistarar Liverpool tóku á móti Fulham í ensku úrvalsdeildinni í dag. Leikurinn endaði með 1-0 sigri Fulham en leikið var á Anfield, heimavelli Liverpool.
Fyrsta og eina mark leiksins kom rétt fyrir lok fyrri hálfleiks, það skoraði Mario Lemina.
Fleiri mörk voru ekki skoruð í leiknum og slæmt gengi Liverpool í ensku úrvalsdeildinni á tímabilinu heldur áfram. Þetta var annar tapleikur liðsins í röð í deildinni og þá hefur liðið aðeins unnið einn af síðustu sjö leikjum sínum í deildinni.
Liverpool er eftir leikinn í 7. sæti deildarinnar með 43 stig. Fulham situr í 18. sæti með 26 stig og er með jafnmörg stig og Brighton sem er í síðasta örugga sætinu í deildinni.
Liverpool 0 – 1 Fulham
0-1 Mario Lemina (’45)