Það er í raun óhætt að segja að Chelsea sé úr leik í Meistaradeild Evrópu eftir leik við Bayern Munchen í gær. Leikið var á Stamford Bridge en Chelsea lék ágætlega í fyrri hálfleik og var staðan markalaus eftir fyrstu 45. Bayern kom hins vegar mun sterkara til leiks í seinni hálfleik og valtaði yfir heimamenn.
Serge Gnabry var í aðalhlutverki en hann skoraði tvö mörk með þriggja mínútna millibili til að koma Bayern í 2-0. Robert Lewandowski skoraði svo þriðja mark Bayern á 76. mínútu og ljóst að liðið er nánast komið í 8-liða úrslitin.
Alphonso Davies, 19 ára bakvörður Bayern vakti mikla athygli í leiknum en hann er aðeins 19 ára gamall. Davies hefur slegið í gegn síðustu vikur.
Davies fæddist í flóttamannabúðum í Gana, en foreldrar hans höfðu flúið Líberíu árið 2000. Sama ár og Davies fæddist. Þá fluttust svo til Kanada þar sem Davies varð að barnastjörnu. Hann var 16 ára gamall byrjaður að spila í MLS deildinni.
Davies hefur verið að vekja athygli á samfélagsmiðlum en þar slær hann í gegn á TikTok eins og sjá má hér að neðan.
Alphonso Davies is running the show at Stamford Bridge tonight.
He also runs the show on TikTok. 😂 pic.twitter.com/XWFcruaisB
— Football Tweet (@Football__Tweet) February 25, 2020
