Í hlaðvarpinu The Player’s Chair, greinir Rose frá því að hann hafi verið stöðvaður af lögreglunni í síðustu viku þegar hann var að rúnta um heimabæ sinn, Doncaster á Englandi. „Ég var stöðvaður af lögreglunni í síðustu viku, sem gerist reglulega þegar ég fer heim til Doncaster,“ segir Rose í hlaðvarpinu. „Í hvert skipti er ég spurður að því sama: Er þessi bíll stolinn? Hvar fékkstu þennan bíl? Hvað ertu að gera hérna? Geturðu sannað að þú keyptir þennan bíl?“
Rose segir að þetta sé búið að verið að gerast við hann síðan hann varð 18 ára gamall, síðan hann byrjaði að keyra. „Og í hvert skipti sem það gerist þá fer ég að hlægja því ég veit hvað er að gerast og nákvæmlega hvað mun fara fram,“ segir Rose.
Rose segir að það sé ekki bara lögreglan sem grunar hann um saknæm athæfi vegna húðlitar síns. „Í hvert skipti sem ég fer í lest þá gerist eitthvað svona líka. Síðast þegar ég fór í lest, þá fór ég inn með töskurnar mínar og þjónustustúlkan þar sagði við mig: „Þú veist að þetta er fyrsta farrými?“. Ég svaraði og sagði: „Já, og hvað?“. Þá biðja þau mig um að sjá miðann minn,“ segir hann.
„Svo ég sýni henni miðann minn, og þetta er enginn lygi, tvær hvítar manneskjur gengu um borð á fyrsta farrými rétt á eftir mér. Ég spurði hana hvort hún þyrfti ekki að sjá miðann hjá þeim. „Ó reyndar, nei, ég þarf þess ekki,“ sagði hún“
