FH er að fá bakvörðinn Loga Tómasson á láni frá Víking og mun þetta ganga í gegn á næstu mínútum. Þetta herma öruggar heimildir 433.is. Samningurinn er út tímabilið þar sem FH getur svo keypt hann.
FH hefur í dag leitast eftir því að fá varnarmann vegna meiðsla en Pétur Viðarsson og Guðmann Þórisson eru frá vegna höfuðmeiðsla.
Logi er vinstri bakvörður og má ætla að FH hugsi Hjört Loga Valgarðsson sem miðvörð.
Logi hefur verið inn og út úr liði Víkings undir stjórn Arnars Gunnlaugssonar. Logi fagnar tvítugsafmæli sínu á þessu ári.
Logi hefur spilað 38 leiki í meistaraflokki en verið er að klára alla parppírsvinnu áður en félagaskiptin fara í gegn.