Átta stórlið á Englandi og á Ítalíu vilja kaupa Andra Fannar Baldursson leikmann Bolgona. Þetta kemur fram í Gazetta á Ítalíu.

Þar segir að frumraun hans með Bolgona í Seriu A fyrr í vetur hafi vakt mikla athygli og að nú stoppi síminn hjá Bologna ekki.

Andri lék sinn fyrsta leik með Bologna í febrúar þegar hann kom inn sem varamaður. Andri er aðeins 18 ára gamall en hann kom til félagsins frá Breiðabliki og þykir mjög mikið efni.

Rúmt ár er síðan Bologna fékk Andra frá Breiðabliki en hann hafði spilað einn leik í Pepsi Max-deildinni áður en hann hélt út. ,,Andri Fannar Baldursson er yngsti leikmaður Íslands sem spilar leik í efstu deild í fimm sterkustu deildum Evrópu (England, Þýskaland, Frakkland, Spánn & Ítalía). Vel gert og verður gaman að fylgjast með hans framgöngu næstu misserin,“ skrifuðu umboðsmenn hans í Stellar Nordic á Facebook.

Gazetta segir að þrjú ensk félög hafi nú áhuga á Andra og fimm stórlið á Ítalíu hafi áhuga á að kaupa hann.