Jurgen Klopp, stjóri Liverpool, segir að mark Manchester United hafi aldrei átt að standa í leik liðanna í dag.
Marcus Rashford skoraði fyrra mark leiksins í 1-1 jafntefli en Klopp var ósáttur með það mark.
Þjóðverjinn segir að Victor Lindelof hafi brotið á Divock Origi áður en United fór og skoraði.
,,Við spiluðum nógu vel til að fá stig. Við gáfum Manchester United tækifæri á að spila með fimm til baka,“ sagði Klopp.
,,Þeir lögðu sig hart fram og okkar skipulag var ekki nógu gott. Það var eins og við værum undir pressu þegar við vorum það ekki.“
,,Ég held að allir geti verið sammála um það að þetta var brot í fyrsta markinu en VAR sér það ekki þannig.“
,,Það er staðan. Við töpuðum ekki en þetta var augljóst brot. Það var snerting og Divock Origi dettur.“