Jadon Sancho, leikmaður Borussia Dortmund, mun ekki leika með liðinu gegn Borussia Monchengladbach.
Það styttist í þennan stórleik í Þýskalandi en Lucien Favre, stjóri Dortmund, ákvað að velja Sancho ekki í hóp.
Ástæðan er sú að Sancho mætti of seint aftur til Dortmund eftir landsliðsverkefni með Englandi.
Favre var alls ekki ánægður með vængmanninn sem er annars gríðarlega mikilvægur fyrir Dortmund.
Um er að ræða mikilvægan og erfiðan leik fyrir Dortmund og er ákvörðunin því ansi stór.
