Frank Lampard, stjóri Chelsea, er hundfúll út í Didier Deschamps, landsliðsþjálfara Frakklands.
N’Golo Kante spilar ekki með Chelsea í dag en hann meiddist í upphitun fyrir leik gegn Íslandi.
Lampard segir að Kante hafi snúið alltof seint aftur til Chelsea og að hann hafi nú þegar verið tæpur fyrir landsleikina.
,,N’Golo er ekki heill, hann er að glíma við smávægileg nárameiðsli sem komu í upphitun fyrsta leiks,“ sagði Lampard.
,,Við fengum hann ekki til baka fyrr en eftir seinni leikinn og nú er hann er ekki klár fyrir laugardaginn.“
,,Fyrir landsleikina þá nefndi Didier Deschamps að Olivier Giroud væri ekki að spila. Það var á léttu nótunum og ég skil það.“
,,Kante er ekkert til að grínast með. Við ræddum saman fyrir síðasta landsleikjahlé og hann var meiddur og gat ekki spilað.“
,,Hann fór ekki með og við vorum sammála. Þannig eiga hlutirnir að ganga fyrir sig.“