Páll Viðar Gíslason hefur verið ráðinn nýr þjálfari Þórs í Inkasso-deild karla en þetta fékkst staðfest í kvöld.
Páll hefur undanfarin ár þjálfað lið Magna en var fyrir það þjálfari einmitt Þórs í heil átta ár.
Liðinu gekk vel undir stjórn Páls og komst tvisvar upp í efstu deild og spilaði ennig í bikarúrslitum.
Páll sagði starfi sínu lausu hjá Magna í ágúst þegar liðið var að berjast fyrir lífi sínu í næst efstu deild.
Hann gerir þriggja ára samning við Þór og tekur við af Gregg Ryder sem þjálfaði liðið í sumar.
