Breiðablik 1-1 Valur
0-1 Fanndís Friðriksdóttir(41′)
1-1 Heiðdís Lillýardóttir(94′)
Val tókst ekki að tryggja sér Íslandsmeistaratitilinn í kvöld er liðið mætti Breiðablik í 17. umferð sumarsins.
Leikið var á Kópavogsvelli í kvöld en Blikar máttu ekki tapa í kvöld annars færi titillinn til Vals.
Það voru Valsstúlkur sem komust yfir í kvöld og var útlitið lengi mjög bjart.
Fanndís Friðriksdóttir, fyrrum leikmaður Blika, kom Val yfir undir lok fyrri hálfleiks.
Það leit lengi út fyrir að það myndi duga til að tryggja titilinn en það varð ekki niðurstaðan.
Heiðdís Lillýardóttir tryggði Blikum ótrúlegt stig í uppbótartíma er hún skallaði boltann í netið til að eyðileggja fyrir Val í bili.
Tvö stig skilja liðin því að fyrir lokaumferðina og er allt mögulegt. Valur er með 47 stig en Blikar 45.