Manchester United vann mikilvægan sigur í ensku úrvalsdeildinni í dag er liðið fékk Leicester City í heimsókn.

Það var engin flugeldasýning á Old Trafford en eina mark leiksins skoraði Marcus Rashford úr vítaspyrnu.

,,Við gáfum allt í þetta, þetta er í fyrsta sinn sem við höfum þurft að verjast að einhverju viti. Við höfum stjórnað öðrum leikjum. Í dag sáum við lið sem getur varist,“ sagði Ole Gunnar Solskjær, stjóri United að leik loknum.

,,Leicester er gott lið, sem vill komast í topp fjóra. Að halda hreinu er frábært, en við skulum ekki missa okkur. Við getum spilað miklu betur, við vörðumst sem lið.“

Harry Maguire var að mæta sínu gamla félagi og var frábær. ,,Þegar þú leikur gegn Jamie Vardy þá þarftu að halda einbeitingu, hann fer aftur fyrir þig og Maguire gerði vel.“