Hannes Þór Halldórsson varði mark Íslands í kvöld sem lék við Moldóva í undankeppni EM á Laugardalsvelli.
Íslenska liðið vann frábæran 3-0 heimasigur í ágætis veðri á Laugardalsvelli.
,,Það er alltaf jafn gaman að vinna leiki með landsliðinu, spila á heimavelli, skora þrjú mörk og halda hreinu,“ sagði Hannes.
,,Eftir fyrsta markið þá var þetta aldrei spurning. Þeir ógnuðu okkur aldrei og þetta var virkilega solid.“
,,Í byrjun áttu þeir 3-4 hornspyrnur og voru ákveðnir en eftir að við náum tökum á leiknum komast þeir aldrei nálægt markinu fyrr en síðustu 10 mínúturnar þá gerðu þeir sig aðeins líklega.“
,,Hann [Ingó Veðurguð] hlýtur að hafa beðið um þetta. Við skulum gefa honum credit fyrir þetta,“ bætti Hannes við spurður út í veðrið.