Paul Pogba vill fara frá Manchester United, þetta hefur hann staðfest. Hann telur sig þurfa nýja áskorun.
Pogba hefur verið í þrjú ár hjá United, hann er umdeildur á meðal stuðningsmanna. Vegna þess hvernig hann hagar sér utan vallar.
Pogba vill fara til Juventus í sumar, United keypti hann frá Juventus fyrir þremur árum, á 89 milljónir punda.
Ítalskir miðlar segja í dag að Juventus sé búið að biðja Adidas um að koma að kaupunum. Pogba er eitt stærsta nafn Adidas og Juventus leikur í treyjum þeirra.
United vill ekki selja Pogba fyrir minna en 135 milljónir punda, Juventus vonast eftir hjálp frá Adidas til að fjármagna kaupin.