Björgvin Stefánsson, leikmaður KR, komst í fréttirnar í kvöld eftir ummæli sem hann lét falla í beinni útsendingu.
Björgvin sá um að lýsa leik Hauka og Þróttar í Inkasso-deild karla en leikurinn var sýndur á Haukar TV.
Hann var kærulaus fyrir framan míkrafóninn og lét ósæmandi ummæli falla um dökkan leikmann í leiknum.
,,Þetta er það sem ég er alltaf að segja, það er svo stutt í villimannseðlið hjá svarta manninum,“ sagði Björgvin.
Framherjinn sá þó strax eftir þessum ummælum og birti afsökunarbréf á Twitter síðu sinni strax í kjölfarið.
,,Í ljósi umræðu sem skapaðist í kjölfar ummæla sem ég lét falla í beinni útsendingu á Haukar TV, vil ég biðja alla afsökunar,“ skrifar Björgvin.
,,Ég undirstrika að ummælin voru vanhugsuð og sögð í hugsunarleysi. Þau lýsa engan vegin afstöðu minni í garð þeirra leikmann sem eru dökkir á hörund frekar en annarra minnihlutahópa.“
,,Ég gerðist sekur um hraparlegt dómgreindarleysi og biðst innilegrar afsökunar á þessum heimskulegu ummælum mínum.“
— Björgvin Stefánsson (@badgalbjoggi) 23 May 2019