Ole Gunnar Solskjær, stjóri Manchester United hefur boðið Paul Pogba að verða fyrirliði félagsins. Þessu heldur ESPN fram.
Solskjær vill halda Pogba og byggja liðið í kringum hann á næstu árum, þetta segir ESPN.
Sagt er að Pogba hafi áhuga á að fara til Real Madrid, spænska stórveldið hefur áhuga á að kaupa hann. Verðmiði United hefur hins vegar áhrif, félagið vill um 130 milljónir punda.
Margir stuðningsmenn United vilja Pogba burt, þeim finnst hugarfar hans ekk til fyrirmyndar.
Antonio Valencia hefur yfirgefið félagið og því er staða fyrirliða í boði, Solskjær hefur boðið Pogba það ef marka má ESPN.
