Callum Hudson-Odoi, leikmaður Chelsea á Englandi, setti met í gær er hann kom inná í leik hjá enska landsliðinu.
Hudson-Odoi er efnilegasti leikmaður Chelsea en hann er reglulega orðaður við brottför frá félaginu.
Hann vill fá meira að spila og hefur Bayern Munchen í Þýskalandi mikinn áhuga á vængmanninum.
Hudson-Odoi spilaði sinn fyrsta landsleik í 5-0 sigri á Tékklandi og bætti þar með 64 ára gamallt enskt met.
Hann er yngsti leikmaður í sögu Englands til að spila sinn fyrsta landsleik í keppnisleik síðan Duncan Edwards lék gegn Skotlandi í apríl 1955.
Hudson-Odoi er aðeins 18 ára og 135 daga gamall og er ein af skærustu vonarstjörnum Englands.
