Alexis Sanchez, leikmaður Manchester United, vonast eftir því að komast burt frá félaginu á næsta ári.
Ensk blöð segja frá en Sanchez kom til United frá Arsenal fyrir aðeins níu mánuðum síðan.
Samkvæmt blöðunum er umboðsmaður Sanchez að skoða í kringum sig og leitar að liðum sem hafa áhuga. Sanchez er 29 ára gamall en hann hefur ekki þótt standa undir væntingum á Old Trafford.
Sanchez stóð sig frábærlega með Arsenal í nokkur ár en virðist ekki ætla að ná sömu hæðum í Manchester.
Ensku blöðin segja að stór ástæða fyrir vandræðum Sanchez sé það að Mayte Rodrigruez hætti með honum í upphafi árs.
Þau höfðu átt í ástarsambandi en Mayte vildi binda enda á sambandið og hefur það setið í Sanchez.
