Diego Costa framherji Atletico Madrid snéri aftur inn á völlinn í gær eftir að hafa ekki spilað fótbolta í hálft ár.
Costa kom til Atletico eftir að félagaskiptaglugginn lokaði en hann var útskúfaður frá Chelsea.
Atletico vann í gær 4-0 sigur á Lleida í bikarnum á Spáni en Costa byrjaði á bekknum.
Hann kom inn í síðari hálfleik og það tók hann aðeins fimm mínútur að skora.
Costa fagnaði marki sínu aðeins of mikið því sjúkraþjálfarar Atletico þurftu að hlúa að honum eftir fagnið.
