Fyrrum úrvalsdeildardómarinn Mark Halsey segir að Arsenal hafi átt að fá vítaspyrnu í 1-1 jafntefli gegn Atletico Madrid í Meistaradeildinni í gær.
Dómarinn Danny Makkelie dæmdi víti þegar Eberechi Eze fór niður í teignum eftir samstuð við David Hancko, en sneri svo við ákvörðuninni eftir inngrip VAR.
Halsey er ósammála þeirri niðurstöðu.
„Fyrir mér var þetta víti. Það var snerting og þetta voru ekki augljós mistök dómarans,“ sagði hann.
Hann gagnrýndi einnig VAR fyrir að skipta sér af. „Þeir hefðu aldrei átt að grípa inn í.“
Halsey gagnrýndi jafnframt vítaspyrnu Atletico, sem dæmd var á Ben White fyrir hendi, og sagði slíkar ákvarðanir of strangar.
Seinni leikur liðanna í undanúrslitum Meistaradeildarinnar fer fram á Emirates-vellinum í næstu viku.
