John Stiles, sonur Nobby Stiles, fyrrum leikmanns Manchester United, segist viðboðið yfir afstöðu enska knattspyrnusambandsins í tengslum við heilaskaða leikmanna.

Samkvæmt skjali sem var lekið úr dómsmáli er sambandið sagt hafna því að almennt sé hægt að tengja skalla í knattspyrnu við heilaskaða og telji sig ekki bera almenna ábyrgð á velferð leikmanna.

Nobby Stiles, sem vann HM 1966 með enska landsliðinu, lést árið 2020 eftir að hafa glímt við heilabilun. Krufning leiddi í ljós að hann þjáðist af CTE, hrörnunarsjúkdómi tengdum endurteknum höfuðhöggum.

John Stiles hefur barist fyrir því að fjölskyldur fyrrum leikmanna fái fjárhagslegan stuðning vegna sjúkdóma sem tengjast ferlinum.

Knattspyrnusambandið segir að tengsl milli skalla og langtíma heilaskaða séu enn til rannsóknar, en sambandið hafi tekið skref til að bæta öryggi leikmanna, meðal annars með nýjum leiðbeiningum um skalla og heilahristing.

„Með allar þessar sannanir sem við höfum núna, þá þarf að horfast í augu við þetta. Við höfum barist í fimm ár síðan pabbi dó til að fá hjálp,“ segir John Stiles, ómyrkur í máli.

„Ég veit að það dró pabba minn til dauða að skalla boltann ítrekað. Knattspyrnuyfirvöld vilja bara ekki horfast í augu við það.“