Diego Simeone, stjóri Atletico Madrid, óð í Ben White, leikmann Arsenal, eftir 1-1 jafntefli liðanna á Spáni í fyrri leiknum í undanúrslitum Meistaradeildarinnar.
Uppákoman varð eftir leikinn þegar White steig á merki Atletico við leikmannagöngin, sem fór illa í Simeone. Úr varð nokkurt uppþot áður en leikmenn voru aðskildir.
Það er fremur algengt að leikmenn forðist það að stíga á merki félaga sem eru gjarnan við völlinn eða í kringum hann.
Umræða skapaðist um atvikið á samfélagsmiðlum og, eins og búast má við, voru skiptar skoðanir. Mörgum finnst þetta full dramatísk viðbrögð Simeone við að einhver stígi á eitthvað sem er á jörðinni.
Seinni leikur liðanna fer fram á Emirates-vellinum í næstu viku, en hér að neðan má sjá áðurnefnda uppákomu.
BEN WHITE STEPS ON ATLETI CREST AND SIMEONE REACTS 🚨🚨
On his way to the tunnel, the Arsenal defender accidentally stepped on the club’s badge, and Simeone immediately called him out 🗣️
Was it disrespectful or just a mistake? 🤔#BenWhite #AtleticoMadrid #Arsenal #UCL pic.twitter.com/9lzBQpGIkZ
— MARCA in English 🇺🇸 (@MARCAinENGLISH) April 29, 2026
