Jóhann Skúli Jónsson, gjarnan kallaður Jói Skúli, var gestur Helga Fannars í nýjasta þætti af Íþróttavikunni og með þeim var einnig Hörður Snævar Jónsson.
FH hefur verið í brasi í upphafi móts í Bestu deild karla og er aðeins með eitt stig eftir fjóra leiki.
„Það er ótrúlegt hvað viðhorf manns til liðs getur breyst á skömmum tíma. Ég fór á leik Þórs og FH í Boganum fyrir mót í bikarnum og FH-ingar voru geggjaðir í seinni hálfleik. Það var pressubolti út um allt og Þórsarar voru í tómum vandræðum. Tómas Orri var með stjórn á allri pressu og allt upp á tíu, og hann hefur svosem haldið sínu striki,“ sagði Hörður.
„En svo hefur þetta verið afskaplega flatt, miklar róteringar á liðinu. Þessi breyting með Ísak Óla að henda honum á bekkinn, fyrirliðanum þínum. Mér fannst það skrýtið. Þeir hljóta að vera að hugsa að þeir þurfi 2-3 leikmenn inn í þetta, þetta er ekki nógu gott.“
Jóhann var ómyrkur í máli um stöðuna.
„Mér finnst þetta bara líta virkilega illa út. Við sáum þennan Valsleik og þeir voru ekki góðir þar heldur.
En FH-ingar skiptast í fylkingar, einhverjir eru jafnvel farnir að falla á sverð en aðrir vilja bara sækja 4-5 gæja núna. Þetta verður fróðlegt að sjá.“
Nánar í spilaranum.
