Möggubrá mælir með blómum á Valentínusardaginn
Febrúar má segja að sé blómamánuður þar sem bæði Valentínusardagurinn og konudagurinn koma upp í þeim mánuði á ári hverju og blóm eru auðvitað klassískar gjafir hvorn daginn fyrir sig. Valentínusardagurinn er hátíð elskenda og gengur í garð þriðjudaginn 14. febrúar. Konudagurinn er svo sunnudaginn eftir það, 19. febrúar. Möggubrá, blóma- og lífsstílsbúð, ætlar að halda Valentínusardaginn hátíðlegan og munu falleg tækifæriskort fylgja öllum blómum og blómvöndum sem keyptir eru á Valentínusardaginn.
Þess má geta að Möggubrá býður upp á fría heimsendingu á höfuðborgarsvæðinu fyrir blómagjafir og er farartækið sem notað er til þess ekki af verri endanum. Um er að ræða 17 ára gamla silfraða Volkswagen-bjöllu með augnahár. Bifreiðin er hrókur alls fagnaðar hvar sem hún kemur og sannkallaður skvísubíll.
Blóma- og lífsstílsbúðin Möggubrá var stofnuð árið 2014 af hjónunum G. Brynju Bárðardóttur og Rúnari Ásbergssyni. Möggubrá sérhæfir sig í vistvænum skreytingum en Brynja er faglærður blómaskreytir og með gífurlega reynslu í öllu sem viðkemur blómaskreytingum. Hún kenndi til dæmis um tíma við Landbúnaðarháskóla Íslands og hefur unnið við blómaskreytingar í fjölda ára. Í versluninni er hægt að fá skreytingar fyrir öll tækifæri, svo sem útfarir, útskriftarveislur, skírnarveislur, skreytingar á veislusölum og brúðkaup. „Við sáum um skreytingar fyrir um 90 brúðkaup síðasta sumar og það var virkilega gaman,“ segir Brynja.
Í versluninni er auk þess mikið úrval af fallegri og vandaðri gjafavöru. „Meðal annars má nefna Fairtrade-vörur frá Simbabve sem við flytjum sjálf inn. Um er að ræða ýmiss konar gjafavörur úr náttúrulegu efni. Þar á meðal eru fallegar skálar og kertastjakar úr gegnheilum steini. Okkur þykir mjög gaman að vera með þessar vörur hér í búðinni, því við látum svo gott af okkur leiða með því að selja þær,“ segir Brynja.
Möggubrá er til húsa að Suðurlandsbraut 50 – Bláu húsunum við Faxafen, Reykjavík
Sími: 544-8300 og 690-3915
Email: moggubra@gmail.com
Opið er alla virka daga frá 11–18.30,
laugardaga 11–18,
og sunnudaga 13–17.
Nánari upplýsingar má nálgast á Facebook-síðu Möggubrár.
