Elísabet Ronaldsdóttir kvikmyndaklippari er tilnefnd til verðlauna Félags amerískra kvikmyndaklippara, America Cinema Editors, fyrir kvikmyndina Deadpool 2.
Verðlaunahátíðin sem kallast Eddie verðlaunin fer fram 1. febrúar í 69. sinn.
Beta er tilnefnd í flokki bestu klippingar dramatískrar kvikmyndar í fullri lengd, ásamt Craig Alpert og Dirk Westervelt. Auk Deadpool 2 eru tilnefndir klipparar kvikmyndanna A Star is born, Bohemian Rhapsody, First man, Incredibles 2, Isle of Dogs, Roma, Spider-Man, Vice og fleiri.
Deadpool 2 er framhaldsmynd um andhetjuna Deadpool, sem Ryan Reynolds leikur af stakri snilld. Fyrri myndin kom út árið 2016 og naut mikilla vinsælda, Deadpool 2 kom út í fyrra og naut einnig mikilla vinsælda. Ekki hefur verið tekin ákvörðun um fleiri myndir að svo stöddu.
