Gylfi Þór Sigurðsson, besti knattspyrnumaður Íslands og leikmaður Everton er í ítarlegu viðtali í helgarblaði DV. Þar ræðir Gylfi málefni sem hann ræðir iðulega ekki.
Gylfi hefur verið á toppnum í mörg ár, dregið vagninn með íslenska landsliðinu og hefur spilað vel yfir 200 leiki í ensku úrvalsdeildinni, bestu og erfiustu deild í heimi. Þar er hann oftar en ekki einn af bestu leikmönnum deildarinnar.
Gylfi hefur verið í lykilhlutverki með landsliðinu á bestu tímum liðsins, hann hefur dregið vanginn í að koma liðinu á bæði EM og HM.
,,Bæði undankeppnin og tilfinningin að komast á EM, spila svo á EM. Alveg fram í átta liða úrlit, ef þú spáir í því, þá er það algjör vitleysa. Fyrsta skipti á stórmóti en dettum út gegn Frakklandi í París. Þeir eru með eitt besta landslið í heimi, upplifunin og í kringum leikina, vera með strákunum. Maður gleymir þessu aldrei,“ sagði Gylfi í viðtalinu um fyrsta stórmót landsliðsns í Frakklandi árið 2016.
Síðan kom undankeppni HM, riðilinn var svakalegur. Ísland vann riðilinn á magnaðan hátt og tók þátt í stærsta íþróttaviðburði í heimi.
,,Riðilinn var ógeðslegur, með Króatíu, Tyrklandi, Úkraínu og vinna riðilinn, það er ótrúelgt. Við spiluðum ekki það vel í byrjun riðilsns. Við vorum mjög erfiðum riðli svo í Rússlandi, með Argentínu og Króatíu, sérð það bara að Króatía fer í úrslit. Það var enginn leikur sem þú gast bókað þrjú stig, það voru fimmtán mínútur eftir í síðasta leik og við áttum séns. Upplifunin og horfa til baka á mótið, þá er geggjað að hafa spilað á HM, við getum sjálfum okkur um kennt. Í Nígeríu leiknum fáum við á okkur mörk sem eru bæði mistök, á þessu stigi er refsað fyrir hálf mistök. Við vorum ekki mjög langt frá þessu.“