Íslenska landsliðið gerði jafntefli við Katar í kvöld og náði ekki að vinna sinn fyrsta leik í undir stjórn Erik Hamren.

Um var að ræða vináttuleik sem fór fram í Belgíu en honum lauk með 2-2 jafntefli.

Frammistaðan var undir pari hjá íslenska liðinu í kvöld sem átti í erfiðleikum með að fóta sig í leiknum.

Hér má sjá einkunnirnar úr jafnteflinu.

Rúnar Alex Rúnarsson 5
Það var ekki brjálað að gera hjá Rúnari í markinu en hann hefði mátt gera betur í fyrra marki Katar.

Kári Árnason 6
Ekkert að hans frammistöðu í kvöld. Þurfti þó að fara af velli vegna meiðsla í fyrri hálfleik.

Sverrir Ingi Ingason 6
Eins og Kári átti Sverrir fínan leik.

Hörður Björgvin Magnússon 5
Betri frammistaða hjá Herði í kvöld en gegn Belgum. Maður einhvern veginn býst þó alltaf við meiru af honum.

Arnór Ingvi Traustason 5
Var lítið í boltanum og virkaði nokkuð týndur.

Eggert Gunnþór Jónsson 5
Var að spila sinn fyrsta landsleik frá árinu 2012. Ekki of áberandi í kvöld.

Ari Freyr Skúlason 7
Við gefum Ara fyrra mark Íslands þó það hafi líklega verið sjálfsmark. Var líflegur í kvöld.

Rúrik Gíslason 7
Kom með nokkrar góðar rispur og var einn af þeim sem reyndi mest.

Albert Guðmundsson 8
Besti leikmaður Íslands í kvöld. Býr yfir gríðarlegum hæfileikum og á eftir að ná langt.

Kolbeinn Sigþórsson 5
Skoraði mark úr víti en var annars ekki mjög ógnandi.

Arnór Sigurðsson 6
Ágætt hjá Arnóri sem er að stimpla sig inn í landsliðið.

Varamenn:

Hjörtur Hermannsson 6
Kom óvænt inn í fyrri hálfleik eftir meiðsli Kára. Stóð fyrir sínu.

Andri Rúnar Bjarnason 5
Komst ekki í takt við leikinn.

Guðlaugur Victor Pálsson 5
Eins og Andri þá tók maður ekki mikið eftir Guðlaugi eftir innkomuna.