Gylfi Þór Sigurðsson, besti knattspyrnumaður Íslands og leikmaður Everton er í ítarlegu viðtali í helgarblaði DV. Þar ræðir Gylfi málefni sem hann ræðir iðulega ekki.
Gylfi hefur verið á toppnum í mörg ár, dregið vagninn með íslenska landsliðinu og hefur spilað vel yfir 200 leiki í ensku úrvalsdeildinni, bestu og erfiustu deild í heimi. Þar er hann oftar en ekki einn af bestu leikmönnum deildarinnar.
Í viðtalinu í helgarblaði DV er Gylfi spurður út í það hvort hann sé trúaður og hvaða skoðun hann hefur á íslenskri pólitík.
Gylfi er nokkuð trúaður og fer með bænir. Þá fylgist hann með pólitík af nokkrum áhuga.
„Ég er alveg trúaður,“ segir Gylfi.
„Ég er ekki alveg á sama stalli og Emil Hallfreðsson. Ég er trúaður, ég fer ekki með bænir fyrir leiki en geri það á kvöldin. Ég hef skoðun á pólitík. Eftir því sem maður eldist þá fer maður að pæla meira í því sem er að gerast á Íslandi. Ég hef auðvitað skoðanir á hinu þessu,“ segir Gylfi.
Aðspurður um stjórnmálaskoðanir, segir Þessi geðþekki drengur, jarðbundinn og heiðarlegur og okkar fremsti íþróttamaður síðustu ár, hugsar málið. Svarið er stutt og kannski skynsamlegt: „Ég hef mínar skoðanir en þær koma í ljós síðar.“