Það var boðið upp á fjör í Meistaradeild Evrópu í kvöld en sex leikjum var nú að ljúka í riðlakeppninni.
Fjörugasti leikur kvöldsins fór fram á Wembley þar sem Barcelona heimsótti Tottenham í stórleik.
Tottenham þurfti að lokum að sætta sig við 4-2 tap en Barcelona var með forystu í leiknum alveg frá annarri mínútu.
Það var búist við mörkum er Napoli fékk lið Liverpool í heimsókn til Ítalíu og var leikurinn nokkuð fjörugur.
Útlit var fyrir að markalaust jafntefli yrði niðurstaðan en Lorenzo Insigne var á öðru máli.
Insigne reyndist hetja Napoli á 90. mínútu og skoraði eina mark leiksins til að tryggja heimamönnum sigur.
Atletico Madrid vann sinn leik gegn belgíska liðinu Club Brugge 3-1 en sigur spænska liðsins var í raun aldrei í hættu.
Monaco tapaði 3-0 fyrir Dortmund, Inter vann góðan sigur á PSV Eindhoven í Hollandi 2-1 og Porto lagði Galatasaray, 1-0.
Tottenham 2-4 Barcelona
0-1 Philippe Coutinho(2′)
0-2 Ivan Rakitic(28′)
1-2 Harry Kane(52′)
1-3 Lionel Messi(56′)
2-3 Erik Lamela(66′)
2-4 Lionel Messi(90′)
Napoli 1-0 Liverpool
Lorenzo Insigne(90′)
Atletico Madrid 3-1 Club Brugge
1-0 Antoine Griezmann(28′
1-1 Arnaut Groeneveld(39′)
2-1 Antoine Griezmann(67′)
3-1 Koke(90′)
Dortmund 3-0 Monaco
1-0 Jacob-Bruun Larsen(51′)
2-0 Paco Alcacer(72′)
3-0 Marco Reus(90′)
PSV 1-2 Inter
1-0 Pablo Rosario(27′)
1-1 Radja Nainggolan(44′)
1-2 Mauro Icardi(60′)
Porto 1-0 Galatasaray
1-0 Moussa Marega(49′)
