Fílabeinsströndin er stærsti kakóframleiðandi heims. Landið, ásamt Gana, sér heiminum fyrir helmingi alls þess kakós sem ræktað er ár hvert. En nú standa ræktendur frammi fyrir miklum vanda.

Fyrir lok mánaðarins munu ræktendurnir taka 100.000 tonn af kakóbaunum, sem hafa ekki enn verið seld, í hús. Munu ræktendurnir þá sitja uppi með 200.000 tonn af óseldu kakói.

Ástæðan fyrir sölutregðunni er að stjórnvöld settu lágmarksverð á kakóbaunir á síðasta ári og er það mun hærra en núverandi heimsmarkaðsverð. Af þeim sökum selst það ekki.

Birgðasöfnunin hefur haft þau áhrif á verð á kakóbaunum á heimsmarkaði hefur lækkað um helming það sem af er ári og hefur ekki verið lægra í þrjú ár.