Martin Lorentz og Jade giftu sig í Notre dame dómkirkjunni í París í Frakklandi laugardaginn 25. október.

Dómkirkjan hýsir ekki lengur einkareknar athafnir og síðasta brúðkaupið fór fram þar árið 1995. Þar sem kirkjan er ekki sóknarkirkja eru brúðkaup aðeins leyfð á kennileitinu eftir að leyfi erkibiskupsins hefur verið veitt. Erkibiskup Paríasar, Laurent Ulrich, gaf hins vegar sérstaka undanþágu núna.

Lorentz er smiður og vann í þrjú ár við endurbyggingu dómkirkjunnar, sem kviknaði í í apríl 2019. Notre Dame opnaði aftur fyrir almenningi í desember 2024.

Brúðkaup Lorentz samanstóð af 500 gestum, vinum og vandamönnum, sem og samstarfsmönnum hans sem komu með axir til heiðurs kirkjunni.

Þegar brúðkaupið var fylltist dómkirkjan skærum ljósum, kertum og styttum.

„Jade og Martin, velkomin í þessa dómkirkju. Martin, þið þekkið hana vel, þið þekkið hana að ofan,“ sagði Olivier Ribadeau Dumas, sem gegnir embætti erkiprests í Notre-Dame de Paris dómkirkjunni, við athöfnina. Lorentz sagði einnig við fjölmiðla: „Ég vil deila ást minni, ást okkar, með öllum heiminum, með öllum þeim sem þurfa á henni að halda. Ég vil bara segja að þetta er fallegasti dagur lífs míns. Ég held að ég geti ekki sagt neitt annað.“

Margir smiðir sem voru viðstaddir lýstu einnig yfir ánægju sinni.

„Það er ótrúlegt að sjá þetta gerast,“ sagði einn við France Info. Annar bætti við: „Það var dásamleg stund að enda þetta svona, að þau giftu sig í dómkirkjunni okkar, sem er svolítið eins og heimili okkar.“