En íranskir vísindamenn telja að það sé hægt að takast á við ofnæmi af þessu tagi á mun skemmtilegri og ánægjulegri hátt en með lyfjum. Að þeirra mati er lausnin að stunda kynlíf.
Ladbible segir að fyrir þremur árum hafi íranskir vísindamenn uppgötvað tengsl á milli kynfæra fólks og nasa og augna og telji því að kynlíf geti átt sinn þátt í að gera út af við einkenni frjókornaofnæmis.
Vísindamennirnir segja að æðarnar í nösunum og augunum herpist saman þegar fólk stunda kynlíf og að það geri að verkum að aftur sé hægt að anda í gegnum stíflaðar nasir og að rauð augu verði eðlileg aftur.
Sina Zarrintan, sem tilheyrir hópi írönsku vísindamannanna, segir að kynlíf geti mildað einkenni frjókornaofnæmis eða gert alveg út af við þau. „. . . sjúklingarnir geta sjálfir stillt tíðni kynmaka af eftir alvarleika sjúkdómseinkennanna,“ sagði hún.
En það er auðvitað eitt stórt „EF“ í þessu öllu því þetta virkar best hjá þeim sem eru með typpi! Ástæðan er að sáðlát gagnast sérstaklega vel í þessu tilliti.
Vísindamaður við Tabriz læknaháskólann hefur bent á að það séu ákveðnir ókostir við þessa „meðferð“. Til dæmis séu ákveðnar „takmarkanir“ því erfitt sé að nota þessa „meðferð“ utan heimilisins og ef viðkomandi á sér ekki kynlífsfélaga. Þess utan langi fólk ekki oft að stunda kynlíf þegar það er illa haldið af frjókornaofnæmi.
