Tveir rússíbanavagnar í Lególandi í sunnanverðu Þýskalandi klesstu hvor á annan í gærkvöldi með þeim afleiðingum að 34 slösuðust, tveir af þeim alvarlega. Þýska fréttastofan DPA greindi frá því að einn vagninn hemlaði harkaði og annar hemlaði ekki af óþekktum ástæðum og klessti svo á hann með miklum látum. Þrjár þyrlur voru sendar á vettvang, ásamt slökkviliði og björgunarliði. Það lá ekki í fyrstu fyrir hvað hafði valdið slysinu.
Slysið átti sér stað í Fire Dragon-rússíbananum greindi starfsmaður skemmtigarðarins frá. Samtals voru 38 mannsum borð í vögnunum og fóru 14 þeirra á sjúkrahús eftir slysið. Rauði krossinn í Bæjaralandi sem kom að björguninni sagði að slysið hefði sem betur fer ekki valdið alvarlegum áverkum.
Í yfirlýsingu sem Legoland Þýskalandi gaf út kom fram að starfsmenn fylgdu öryggisráðstöfunum til hlítar og var garðurinn rýmdur um leið og hlúað var að þeim særðu. Garðurinn opnaði á ný í morgun.
