fbpx
Föstudagur 11.júní 2021
Pressan

Spendýr með stóra heila eru kannski ekki svo greind

Kristján Kristjánsson
Sunnudaginn 9. maí 2021 22:30

Mannsheili. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Yfirleitt er talið að spendýr með stóra heila séu greindar skepnur en niðurstöður nýrrar rannsóknar benda til að þróunin hafi hugsanlega látið líkama spendýra verða smærri vegna umhverfisáhrifa og af þeim sökum sé heilinn stærri, hlutfallslega séð. Með öðrum orðum þá tengist heilastærðin greind ekki neitt.

The Guardian skýrir frá þessu. Fram kemur að vísindamenn hafi rannsakað heila og líkamsstærð 1.400 tegunda, bæði núlifandi og útdauðra á síðustu 150 milljónum ára, til að sjá hvort hægt sé að spá fyrir um heilastærð spendýrs út frá líkamsstærð þess.

Niðurstaða þeirra er að stærð heilans hefur ekki haldist í hendur við líkamsstærð í gegnum þróunarsöguna. Til dæmis hafa heilar og líkamar mannapa stækkað í gegnum tíðina en heilar útdauðra tegunda manna urðu stærri en heilar apa en á sama tíma minnkaði líkamsstærð þeirra.

Dr Jacob Dunn, prófessor í þróunarlíffræði við Anglia Ruskin háskólann og einn höfunda rannsóknarinnar, sagði að tegundir virðist kannski vera með mjög stóra heila en hugsanlega sé það bara líkami þeirra sem hafi þróast þannig að hann minnkaði og því virðist heilinn vera stór.

Samkvæmt niðurstöðum rannsóknarinnar, sem hefur verið birt í vísindaritinu Science Advances, þá voru það tveir stórir atburðir sem breyttu þeirri stefnu sem heilastærð tegundanna hafði tekið. Annar er árekstur risastórs loftsteins við jörðina fyrir um 66 milljónum ára en í kjölfar hans dóu risaeðlurnar út. Samhliða því stækkuðu heilar spendýra af ættum nagdýra og leðurblaka, svo einhver séu nefnd, og þau voru fljót að taka yfir fyrrum yfirráðasvæði risaeðla. Um 30 milljónum ára síðar varð hröð lækkun hita til að líkamar og heilar tegunda, þar á meðal sela, bjarndýra, hvala og prímata, breyttust hratt.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Joe Biden kominn til Bretlands – Fyrsta utanlandsferð hans eftir embættistökuna

Joe Biden kominn til Bretlands – Fyrsta utanlandsferð hans eftir embættistökuna
Pressan
Í gær

Kvöldvaktin á skyndibitastaðnum breyttist í martröð – „Ég gerði svolítið hryllilegt“

Kvöldvaktin á skyndibitastaðnum breyttist í martröð – „Ég gerði svolítið hryllilegt“
Pressan
Fyrir 2 dögum

Ný sjúkdómseinkenni tengd Deltaafbrigði kórónuveirunnar – Kolbrandur og heyrnartap

Ný sjúkdómseinkenni tengd Deltaafbrigði kórónuveirunnar – Kolbrandur og heyrnartap
Pressan
Fyrir 2 dögum

Umferðaróhapp í Noregi varð til þess að upp komst um morð

Umferðaróhapp í Noregi varð til þess að upp komst um morð
Pressan
Fyrir 3 dögum

Ók vísvitandi á múslímska fjölskyldu – 4 létust

Ók vísvitandi á múslímska fjölskyldu – 4 létust
Pressan
Fyrir 3 dögum

Sérfræðingar segja að kórónuveiran hafi verið búin til á rannsóknarstofu

Sérfræðingar segja að kórónuveiran hafi verið búin til á rannsóknarstofu
Pressan
Fyrir 3 dögum

Lögreglan ætlaði að uppræta kannabisræktun – Byggingin var notuð í eitthvað allt annað

Lögreglan ætlaði að uppræta kannabisræktun – Byggingin var notuð í eitthvað allt annað
Pressan
Fyrir 4 dögum

Nú verður framhjáhald enn auðveldara

Nú verður framhjáhald enn auðveldara
Pressan
Fyrir 4 dögum

Flugvélin sem hvarf algjörlega

Flugvélin sem hvarf algjörlega