Kona að nafni Simona Julius var handtekin í Bretlandi fyrir að skilja eftir miða með grimmilegum skilaboð á gröf manns, Liams, sem lést árið 2017 úr sykursýki, aðeins 22 ára gamall.
Simona, sem er 25 ára gömul, skrifaði líka níðingsleg skilaboð á legstein mannsins þar sem hún gerði grín af dánarorsök hans. „Ha ha ha, svo virðist sem sykursýkin hafi sigrað aftur“. Hún sendi fjölskyldu hans einnig bréf og jólakort með særandi texta en óvíst er hvað vakti fyrir henni. Fjölskyldu Liams grunar þó að Simona hafi tengsl við fyrrum ástkonu Liams.
Hún fékk að eyða átta vikum í fangelsi vegna vanhelgunar á grafarreit. Fyrir dómi var einnig rakið hvernig hún áreitti fjölskyldu Limas og þurfti hún að greiða þeim tæpar hundrað þúsund krónur í skaðabætur og var gert að sæta nálgunarmanni gegn þeim. Dómarinn sagði hátterni Simonu „galið“ og það hafi „níst hjörtu fjölskyldunnar“. Móðir hins látna manns bar vitni fyrir dómi og sagði:
„Að missa barn sitt er versta sorg sem þú getur ímyndað þér. Hún hefur heltekið líf mitt. Að komast að því að einhver hafi vanhelgað gröfina hans Liams hefur ýkt allar þessar tilfinningar og eyðilagt allar þær framfarir sem ég hefði náð í sorgarferlinu. Ég hugsa að fólk velti því fyrir sér hvers konar manneskja Liam var, hversu hræðilegur hann hljóti að hafa verið fyrst einhver skemmdi gröfina hans með þessum hætti, en í raunveruleikanum var hann elskaður af öllum sem þekktu hann. Ég veit ekki til þess að hann hafi gert á hlut nokkurs og ég skil ekki hvers vegna hún gerði þetta.“
