fbpx
Mánudagur 26.október 2020
Pressan

Nýjar vísbendingar í máli Madeleine McCann – Myrti hinn grunaði fleiri börn?

Kristján Kristjánsson
Mánudaginn 8. júní 2020 05:50

René Hasee. Mynd:http://kindervermisstabernichtvergessen.blogspot.com

Ekki missa af Helstu tíðindum dagsins í pósthólfið þitt

Lesa nánar

Þann 21. júní 1996 var René Hasee, 6 ára, í frí með móður sinni og stjúpföður í Aljezur, sem er um 40 km frá Praia da Luz í Portúgal. Þau voru á leiðinni á ströndina og hljóp René á undan þeim fullorðnu. Þegar þau komu niður á ströndina fundu þau aðeins fötin hans í sandinum. Sérfræðingar mátu það sem svo að út frá sjávarföllum og straumum væri ólíklegt að René hefði drukknað. En á endanum sættust foreldrarnir á að hann hefði drukknað.

Í 20 ár heyrðu þau ekki frá lögreglunni, ekki fyrr en á föstudaginn. Þetta sagði blóðfaðir hans, Andreas Hasee, í samtali við Kölner Stadt-Anzeiger, en á föstudaginn hafði rannsóknarlögreglumaður frá sambandslögreglunni samband við hann og sagði honum að lögreglan telji ekki útilokað að hvarf René tengist hvarfi Madeleine McCann 11 árum síðar. Ástæðan er að hinn grunaði í máli Madeleine, Christian B., flutti frá Þýskalandi til Praia da Luz 1995, þegar hann var 18 ára. Þá þegar hafði hann hlotið dóm fyrir kynferðisbrot gegn börnum.

Andreas Hasee sagðist enn þann dag í dag eiga erfitt með að trúa því að René hafi farið út í sjóinn og druknað.

„Hann var mjög varfærinn og hann hefði ekki bara vaðið út í Atlantshafið einn.“

Þýska sambandslögreglan hefur sagt að hugsanlega tengist Christian B. fleiri málum sem líkjast hvarfi Madeleine. Auk máls René hefur komið fram að Christian B. var nærri þeim stað þar sem hin fimm ára Gehricke hvarf í maí 2015.

Þýskir saksóknarar og lögreglan vinna nú að rannsókn á málum Christian B. og gruna hann um morð því talið er að Madeleine sé látin þótt lík hennar hafi ekki fundist.

Lögreglan hefur birt mynd af Christian B. í þeirri von að þeir sem hafa séð til hans eða þekkja setji sig í samband við lögregluna. Hann afplánar nú dóm fyrir nauðgun á 72 ára bandarískri konu. Sú nauðgun átti sér stað í sömu sumarhúsabyggð og Madeleine hvarf frá, bara tveimur árum áður.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Loftmengun verður hálfri milljón barna að bana árlega

Loftmengun verður hálfri milljón barna að bana árlega
Pressan
Fyrir 2 dögum

Hald lagt á 2,3 tonn af kókaíni

Hald lagt á 2,3 tonn af kókaíni
Pressan
Fyrir 2 dögum

Gríðarlegur taprekstur flugfélaga – Sex milljarðar á dag

Gríðarlegur taprekstur flugfélaga – Sex milljarðar á dag
Fyrir 2 dögum

Fjölskyldan hefur aldrei veitt meira saman

Fjölskyldan hefur aldrei veitt meira saman
Pressan
Fyrir 3 dögum

Níu úr sömu fjölskyldu létust – Borðuðu núðlur sem voru geymdar í frysti

Níu úr sömu fjölskyldu létust – Borðuðu núðlur sem voru geymdar í frysti
Fyrir 3 dögum

Mokveiði ennþá í Eystri Rangá

Mokveiði ennþá í Eystri Rangá
Pressan
Fyrir 4 dögum

Ástralía, Indland, Bandaríkin og Japan taka þátt í stórri heræfingu á Indlandshafi

Ástralía, Indland, Bandaríkin og Japan taka þátt í stórri heræfingu á Indlandshafi
Pressan
Fyrir 4 dögum

NASA og Nokia ætla að koma upp 4G farsímakerfi á tunglinu

NASA og Nokia ætla að koma upp 4G farsímakerfi á tunglinu