fbpx
Mánudagur 17.janúar 2022
Pressan

Diplómatar vöruðu við tilraunum með kórónuveiru í tilraunastofu í Wuhan

Kristján Kristjánsson
Fimmtudaginn 16. apríl 2020 06:52

COVID-19 veiran. Mynd:U.S. Army

Ekki missa af Helstu tíðindum dagsins í pósthólfið þitt

Lesa nánar

Fyrir tveimur árum unnu kínverskir vísindamenn við rannsóknir á hvernig kórónuveira getur borist úr leðurblökum í menn. Þessar rannsóknir fóru fram á tilraunastofu í borginni Wuhan þar sem talið er að heimsfaraldur COVID-19 hafi hafist. Margir aðilar innan bandarísku ríkisstjórnarinnar telja að COVID-19 hafi verið búin til á tilraunastofunni en það eru engar sannanir fyrir því. En þessi samsæriskenning lifir samt sem áður góðu lífi í Bandaríkjunum.

Fyrir tveimur árum heimsóttu bandarískir diplómatar tilraunastofu í Wuhan þar sem unnið var að rannsóknum á hvernig kórónuveira getur borist úr leðurblökum í menn. Þeim leist ekki á það sem þeir sáu og sendu opinberar aðvaranir til Washington segir í umfjöllun The Washington Post. Þeir óttuðust að veiran gæti borist í menn og valdið faraldri. Þetta hafa sumir innan bandaríska stjórnkerfisins nú rifjað upp og spyrja hvort hugsast geti að þessi tilraunastofa sé staðurinn þar sem COVID-19 veiran varð til.

Það eru engar sannanir fyrir þessari kenningu. Þvert á móti er talið að veiran hafi borist í fólk úr smituðu dýri sem var selt á Huanan-dýramarkaðnum í Wuhan. En hvernig eða hvaðan dýrið fékk veiruna er ekki vitað. The Guardian segir að margir vísindamenn hafi bent á leðurblökur í þessu samhengi. Í umfjöllun vísindaritsins Nature kemur fram að flestir vísindamenn telji að COVID-19 hafi komið úr dýrum en ekki frá tilraunastofu. The New York Times hefur bent á að þrátt fyrir að kínversku vísindamennirnir hafi unnið að tilraunum með kórónuveiru úr leðurblökum þá séu engar sannanir fyrir að það sé kórónuveiran sem við þekkjum sem COVID-19 í dag.

Útbreidd samsæriskenning

Þrátt fyrir þetta þá er samsæriskenningin nokkuð útbreidd. Margir í ríkisstjórn Trump telja að kínversk yfirvöld leyni því að veiran hafi verið búin til á tilraunastofu í Wuhan. Í aðvörununum, sem diplómatarnir sendu heim 2018, kemur fram að á tilraunastofunni hafi verið „alvarlegur skortur á nægilega menntuðum tæknimönnum og vísindamönnum“ en bráðnauðsynlegt væri að hafa fólk með slíka menntun við þessar tilraunir.

Bandarísk tilraunastofa í Texas styrkti rannsóknir Kínverjanna fjárhagslega sem og nokkur bandarísk samtök en diplómatarnir voru þeirrar skoðunar að Kínverjarnir þyrftu enn meiri aðstoð af því að rannsóknin væri svo hættuleg en um leið mikilvæg.

Kom veiran frá leðurblökum?

En það eru fleiri en samstarfsmenn Trump sem trúa á samsæriskenningar um að Kínverjar hafi búið veiruna til. Samkvæmt niðurstöðum skoðanakannanar frá Pew Research Center þá trúir tæpur þriðjungur Bandaríkjamanna þessu einnig. Sumir þeirra telja að veiran hafi verið búin til og dreift af ásettu ráði og er það raunar enn útbreiddari samsæriskenning.

Shi Zhengli, sem stýrði rannsóknunum, hefur alltaf neitað því að veiran eigi uppruna sinn á tilraunastofunni hennar. Hún hefur sagt að þvert á móti hafi rannsóknin orðið til þess að mjög fljótlega lá ljóst fyrir að COVID-19 gæti hafa komið frá leðurblökum en það bentu hún og teymi hennar á í rannsókn sem var birt í Nature í febrúar.

Leyniþjónustur rannsaka málið

Bandarískar leyniþjónustustofnanir eru nú að rannsaka hvort COVID-19 hafi verið búin til á kínverskri tilraunastofu segir CNN og hefur þetta eftir mörgum heimildarmönnum sem þekkja til málsins. Fram kemur að ekki sé talið að veiran sé hluti af tilraunum með lífefnavopn og að leyniþjónustustofnanir rannsaki einnig aðrar kenningar um tilurð veirunnar.

CNN hefur eftir heimildarmanni að ekki hafi tekist að færa sönnur á þessar samsæriskenningar  en verið sé að rannsaka hvort hugsast geti að starfsmaður á tilraunastofunni hafi smitast og borið veiruna með sér og smitað aðra.

Kínversk stjórnvöld hafa þvertekið fyrir að þessar kenningar geti verið réttar. Heimildarmaður, í COVID-19 viðbragðsteymi Hvíta hússins, sagði að rétt væri að hafa í huga að í hvert sinn sem faraldur brjótist út komi fram samsæriskenningar um að þeir eigi rætur að rekja til tilraunastofa.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Frakkar banna sölu á ávöxtum og grænmeti í plasti

Frakkar banna sölu á ávöxtum og grænmeti í plasti
Pressan
Í gær

Lögreglumönnunum brá mikið þegar þeir opnuðu kassann – „Eitt það klikkaðasta sem ég hef upplifað“

Lögreglumönnunum brá mikið þegar þeir opnuðu kassann – „Eitt það klikkaðasta sem ég hef upplifað“
Pressan
Fyrir 2 dögum

Auknar njósnir erlendra ríkja í Danmörku – Kína og Rússland nefnd sérstaklega til sögunnar

Auknar njósnir erlendra ríkja í Danmörku – Kína og Rússland nefnd sérstaklega til sögunnar
Pressan
Fyrir 2 dögum

Meiri líkur á að konur deyi á skurðarborðinu ef skurðlæknirinn er karl

Meiri líkur á að konur deyi á skurðarborðinu ef skurðlæknirinn er karl
Pressan
Fyrir 4 dögum

Nauðgaði eftir Tinder-stefnumót og sendi hræðileg skilaboð til fórnarlambs

Nauðgaði eftir Tinder-stefnumót og sendi hræðileg skilaboð til fórnarlambs
Pressan
Fyrir 4 dögum

Fékk óvæntan laumufarþega í eyrað eftir sundferð – „Það var kakkalakkinn að hreyfa sig í hausnum á mér“

Fékk óvæntan laumufarþega í eyrað eftir sundferð – „Það var kakkalakkinn að hreyfa sig í hausnum á mér“
Pressan
Fyrir 4 dögum

Ný rannsókn – 90% minni líkur á að látast af völdum Ómíkron en Deltaafbrigðinu

Ný rannsókn – 90% minni líkur á að látast af völdum Ómíkron en Deltaafbrigðinu
Pressan
Fyrir 4 dögum

Fór á blint stefnumót og hefur ekki komist heim í viku vegna sóttvarnaaðgerða

Fór á blint stefnumót og hefur ekki komist heim í viku vegna sóttvarnaaðgerða