Kínverjar glíma við mikið plastvandamál en gríðarlegt magn plasts safnast á sorphauga og í ár og vötn þar daglega. Veitingahúsageirinn á að skera mikið niður í plastnotkun samkvæmt áætlun stjórnvalda en frá og með 2025 á geirinn að vera búinn að draga úr plastnotkun um 30%.
Á ákveðnum svæðum og héruðum verður bannað að selja ýmsar plastvörur en ekki hefur verið tilkynnt hvenær slík bönn taka gildi.
Bann við notkun plastpoka tekur gildi í stærstu borgum landsins í lok þessa árs og á að vera gildandi í öllum bæjum og borgum 2022. Það verður þó heimilt að nota plastpoka undir ferskmeti á borð við ávexti og grænmeti.
Fyrir tæpum tveimur árum bönnuð kínversk stjórnvöld allan innflutning á plastrusli og munar um minna því tveir þriðju af plastrusli heimsins enduðu í Kína. Kínversk fyrirtæki græddu vel á því en um leið fylgdu þessu gríðarleg umhverfisvandamál.
