Í einni sýslu í Texas hafa 85 börn, yngri en eins árs, greinst með kórónuveiruna sem veldur COVID-19. Yfirvöld í sýslunni reyna nú hvað þau geta til að sporna við útbreiðslu veirunnar en ástandið er mjög slæmt í Texas hvað varðar útbreiðslu veirunnar.

Í Nueces County í Texas hefur staðfestum smitum fjölgað gríðarlega að undarförnu eftir að toppnum virtist hafa verið náð fyrr í sumar. Yfirvöld hvetja fólk til að nota andlitsgrímur og gæta að því virða fjarlægðarmörk.

„Núna hafa 85 börn, yngri en eins árs í Nueces County, greinst með COVID-19.“

Hefur CNN eftir Annette Rodriguez, yfirmanni heilbrigðismála í sýslunni.

„Þessi börn hafa ekki einu sinni fagnað eins árs afmæli sínu enn. Hjálpið okkur að stöðva útbreiðslu þessa sjúkdóms.“

Sagði hún.

Á níunda þúsund tilfelli COVID-19 hafa greinst í sýslunni og á níunda tug hafa látist af völdum sjúkdómsins.