Á laugardagskvöldið fundu lögreglumenn þrjá menn látna í og við hús í Colchester á Englandi. Lögreglunni barst tilkynnning um að ástæða væri til að hafa áhyggjur af velferð tveggja manna í húsinu. Þegar lögreglumenn komu á staðinn fundu þeir þrjú lík.
Tvö lík voru inni í húsinu og það þriðja utan við það. 32 ára maður frá Colchester var handtekinn grunaður um að hafa myrt mennina. Lögreglan telur að hún hafi handtekið morðingjann en segist þó ekki útiloka neitt í tengslum við rannsókn málsins.
