fbpx
Laugardagur 24.október 2020
Neytendur

Örbylgjuofnar eru hræðilegir fyrir umhverfið

Einar Þór Sigurðsson
Fimmtudaginn 18. janúar 2018 21:30

Ekki missa af Helstu tíðindum dagsins í pósthólfið þitt

Lesa nánar

Örbylgjuofnar sem notaðir eru í Evrópu menga á við tæplega sjö milljónir bíla, samkvæmt niðurstöðum rannsóknar vísindamanna við University of Manchester á Englandi.

Um er að ræða fyrstu yfirgripsmiklu rannsóknina á umhverfisáhrifum örbylgjuofna. Vitanlega losa örbylgjuofnar ekki beinlínis út koltvísýring þegar matur er hitaður. En, þegar allt er tekið með í reikninginn, allt frá framleiðslu, orkunotkun og förgun, kemur í ljós að örbylgjuofnar bera ábyrgð á því sem nemur losun 7,7 milljóna tonna af koltvísýringi á ári hverju. Það er um það bil það sama og 6,8 milljónir bíla losa á hverju ári að jafnaði.

Notkun aukist

Örbylgjuofnar eru mikið notaðir í Evrópu – og víðar vitanlega – en notkun þeirra hefur aukist jafnt og þétt undanfarna áratugi. Talið er að 135 milljónir örbylgjuofna verði í notkun í Evrópu árið 2020.

Til að gæta allrar sanngirni eru 6,8 milljónir bíla ekki mikið, sé litið til fjölda bíla á götum Evrópu. Í Bretlandi eru 37,5 milljónir bíla, Frakklandi eru 32 milljónir bíla, 37 milljónir á Ítalíu og 45 milljónir í Þýskalandi.

Fólk hendir tækjum þó þau séu í góðu lagi

Sérfræðingarnir sem stóðu fyrir rannsókninni komust að því að örbylgjuofnar í Evrópu noti orku sem nemur 9,4 teravattstundum á klukkutíma. Til að anna slíkri orkuþörf þyrfti um þrjú nokkuð stór orkuver, að því er fram kemur í frétt breska blaðsins Independent.

Rannsakendur segja að þó ekki verið farið í harðar aðgerðir gegn örbylgjuofninum sé gott að vekja almenning til umhugsunar um þá staðreynd að örbylgjuofnar, eins og önnur orkufrek heimilistæki, eru ekki sérstaklega umhverfisvæn. Þá er bent á að lægra verð á raftækjum og aukinn kaupmáttur almennings stuðli að ákveðinni sóun. Fólk hreinlega hendi heimilistækjum eins og örbylgjuofnum þó þeir séu í fullkomlega góðu lagi og kaupi sér ný tæki.

Á móti benda rannsakendur á að örbylgjuofnar í dag endast verr en áður. Á tíunda áratugnum hafi þeir enst í um 10-15 ár að jafnaði en í dag sé endingartíminn aðeins 6-8 ár.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

FréttirNeytendur
20.10.2019

Ertu að fara að selja fasteign? Hér er nokkur atriði sem er gott að hafa í huga

Ertu að fara að selja fasteign? Hér er nokkur atriði sem er gott að hafa í huga
EyjanNeytendur
10.09.2019

Áfengi dýrast á Íslandi í allri Evrópu – Áfengisskattar hækka enn frekar um áramót

Áfengi dýrast á Íslandi í allri Evrópu – Áfengisskattar hækka enn frekar um áramót
EyjanNeytendur
30.03.2019

Jóri hvetur fólk til að endurvinna og hugsa betur um jörðina – „Það eru margir að gera heilmikið til að skilja minna fótspor eftir sig“

Jóri hvetur fólk til að endurvinna og hugsa betur um jörðina – „Það eru margir að gera heilmikið til að skilja minna fótspor eftir sig“
Neytendur
24.01.2018

Viktoría keypti engan mat í mánuð en borðaði sig samt sadda alla daga: Svona fór hún að því

Viktoría keypti engan mat í mánuð en borðaði sig samt sadda alla daga: Svona fór hún að því
Neytendur
02.01.2018

Svona muntu standa við nýársheitið um bættan fjárhag á árinu 2018

Nokkur frábær ráð á nýju ári

Svona muntu standa við nýársheitið um bættan fjárhag á árinu 2018