fbpx
Föstudagur 23.ágúst 2019  |

DV - Frjáls og óháður miðill

Neytendur

Sóley gleymdi vegabréfinu og sat uppi með 73 þúsund króna kostnað í kjölfarið

Ótrúleg þrautaganga bæjarfulltrúa á Akureyri

Einar Þór Sigurðsson
Miðvikudaginn 21. júní 2017 09:00

Ekki missa af Helstu tíðindum dagsins í pósthólfið þitt

Lesa nánar

Það getur verið dýrkeypt að gleyma vegabréfinu sínu heima áður en haldið er í flug til útlanda. Þessu fékk Sóley Björk Stefánsdóttir, bæjarfulltrúi á Akureyri, að kynnast fyrir skemmstu en mistökin enduðu á að kosta hana 73 þúsund krónur.

Sóley lýsir þessu í pistli sem birtist í nýjasta tölublaði Neytendablaðsins.

Sóley var á leið á þriggja daga fund í Feneyjum, en þegar hún kom í Flugstöð Leifs Eiríkssonar áttaði hún sig á því að hún var ekki með passann sinn. Sóley segir:

„Ég byrjaði á því að breyta fluginu mínu til Parísar með WOW og borgaði 13.000 kr. í breytingargjald. Ég átti svo flug með Air France til Feneyja kl. 21 um kvöldið. Það var ekkert flug til Parísar frá Keflavík fyrr en síðdegis, með áætlaðan lendingartíma kl. 20:50, svo ég gekk í að reyna að ná sambandi við þjónustuskrifstofu Air France,“ segir Sóley.

„Það að gleyma passanum heima reyndist sem sagt verða 73.000 kr. námskeið í núvitund.“

Flugið hækkaði í 22 þúsund krónur

Það gekk ekki þrautalaust fyrir sig því í þrjá tíma fékk hún samband við símsvara. Hún gafst upp á símabiðinni og ákvað að krossa fingur og vona að fluginu frá París til Feneyja yrði seinkað. Hún ákvað því að kaupa ekki nýtt flugfar. „En það var því miður ekki svo. Engin frestun var á flutinu til Feneyja svo ég fór á hótel nálægt flugvellinum i París og gisti þar,“ segir Sóley.

Á hótelinu hugðist hún svo bóka flug til Feneyja. Þá lenti hún á enn einum veggnum því flugið, sem hafði kostað 11 þúsund krónur um morguninn, var komið í 22 þúsund krónur. Og á meðan hún var að ganga frá bókuninni fékk hún meldingu um það að vegna mikillar eftirspurnar hefði miðinn hækkað í 25 þúsund krónur.

Sóley kveðst ekki hafa átt margra kosta völ og greiddi því miðann. „Daginn eftir flaug ég svo með EasyJet til Feneyja og komst á fundinn og hélt þar með að ferðaraunum mínum væri lokið og gerði mitt besta til að hugsa ekki um að klaufaskapurinn með passann hefði kostað mig 50.000 kr.“

„Skrópaði“ og þurfti að kaupa nýjan miða

Þessum vandræðagangi var þó hvergi nærri lokið því þegar að heimferð kom ætlaði Sóley að tékka sig inn í gegnum netið. Það gekk hins vegar ekki og þá fór hana að gruna að eitthvert vesen væri með flugmiðann. Hún ákvað því að mæta snemma út á flugvöll næsta dag þó flugið væri ekki fyrr en seinni partinn. „Það reyndist ágætis ákvörðun því konan á upplýsingaborði Air France upplýsti mig um að það væri ekki nokkur leið að ég fengi að nota flugmiðann minn vegna þess að ég hafði „skrópað“ í fyrra flugið,“ segir Sóley sem þurfti að gera sér að góðu að kaupa nýjan miða frá Feneyjum til Parísar á 23 þúsund krónur.

„Það að gleyma passanum heima reyndist sem sagt verða 73.000 kr. námskeið í núvitund,“ segir Sóley sem bætir að lokum við að það hafi tekið á að láta ekkert af þessu skemma daginn. Sú æfing hafi bæði verið holl og góð.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Neytendur
18.01.2018

Örbylgjuofnar eru hræðilegir fyrir umhverfið

Örbylgjuofnar eru hræðilegir fyrir umhverfið
Neytendur
13.01.2018

New York, Taíland, Spánn eða Balí?

New York, Taíland, Spánn eða Balí?
Neytendur
23.12.2017

Það kostar svona mikið að halda jól

Kostnaður vísitölufjölskyldunnar varla undir 150 þúsund krónum

Það kostar svona mikið að halda jól
Neytendur
12.12.2017

Telma varpar ljósi á íslenska neysluskrímslið: „Á nákvæmlega sama augnabliki lítur fátæka stúlkan upp“

Telma varpar ljósi á íslenska neysluskrímslið: „Á nákvæmlega sama augnabliki lítur fátæka stúlkan upp“
Neytendur
16.11.2017

Dauðinn er dýr: Það kostar svona mikið að kveðja þennan heim

Dauðinn er dýr: Það kostar svona mikið að kveðja þennan heim
Neytendur
12.11.2017
Dauðinn er dýr
Neytendur
08.11.2017

Þýsk heimildarmynd afhjúpar Haribo: Barnaþrælkun og slæmur aðbúnaður dýra

Svín með gapandi sár – Verkamenn í Brasilíu vinna við frumstæðar aðstæður

Þýsk heimildarmynd afhjúpar Haribo: Barnaþrælkun og slæmur aðbúnaður dýra
Neytendur
19.10.2017

Aðdáendur Quality Street geta tekið gleði sína á ný: Brúni molinn kemur aftur fyrir jólin

Aðdáendur Quality Street geta tekið gleði sína á ný: Brúni molinn kemur aftur fyrir jólin
Neytendur
02.10.2017

Hæstu áfengisskattar í Evrópu: Sjáðu muninn á Íslandi og Noregi – „Takmarkalausu skattagleði stjórnvalda

Hæstu áfengisskattar í Evrópu: Sjáðu muninn á Íslandi og Noregi – „Takmarkalausu skattagleði stjórnvalda
Neytendur
17.06.2017

Mikilvæg áminning til foreldra í tilefni 17. júní

Mikilvæg áminning til foreldra í tilefni 17. júní
Neytendur
06.06.2017

Ívar lætur íslenska veitingastaði fá það óþvegið: Þetta fékk hann fyrir tæpar tvö þúsund krónur

Ívar lætur íslenska veitingastaði fá það óþvegið: Þetta fékk hann fyrir tæpar tvö þúsund krónur