Heitar ídýfur sem gratíneraðar eru í ofni eru bara eitt það allra besta sem til er. Þær henta alveg frábærlega í saumaklúbbinn, kósíkvöldið eða júróvisjón partýið. Þessi ídýfa er alls ekki flókin, er bragð og matarmikil.
Hráefni
- 250 g Nautahakk
- 400 g Rjómaostur
- 1 saxaður laukur
- 2 Hvítlauksrif marin
- 1 græn chili söxuð
- 400 g Saxaðir tómatar
- 200 g Salsa sósa
- 20 g Taco krydd
- 200 g Rifinn cheddar ostur
- 150 g Soðnar svartar baunir
- 150 g Maískorn
- 150 g Rifinn mozzarella
- 2 Tómatar, saxaðir
- 1 Avocado í bitum
- 10 g Kóríander
- 2 pokar Finn Crisp snakk
- 0.25 tsk Salt
- 0.25 tsk Pipar
- 1 tsk Cumin
Leiðbeiningar
- Byrjið á því að steikja nautahakkið á steypujárnspönnu eða pönnu sem má fara inn í ofn. Kryddið með taco kryddinu, takið af pönnunni og geymið til hliðar.
- Setjið 1 msk af olíu út á pönnuna og steikið laukinn og hvítlaukinn. Þegar laukurinn er orðinn glær bætið þið söxuðu tómötunum, rjómaostinum, grænu chili, kryddum og cheddar osti út á pönnuna og hrærið vel í. Bætið svörtum baunum, maískorni og nautahakki saman við og látið malla smá stund.
- Toppið með rifna ostinum og restinni af cheddarostinum og bakið í 200° heitum ofni í 20 mín eða þar til osturinn er orðinn fallega gylltur. Takið þá pönnuna út, toppið með söxuðum tómötum, baunum, avocado og kóríander. Berið fram með Finn Crisp snakki með Cheddar cheese.
Þú getur keypt allt sem þarf í þessa uppskrift og annað fyrir vikuna á Heimkaup, og fengið vörurnar sendar heim eða í vinnuna, sniðugt ekki satt?
