fbpx
Miðvikudagur 05.október 2022
Matur

Suðrænir kokkanemar sýndu listir sínar í Salt Eldhúsi

Sjöfn Þórðardóttir
Mánudaginn 12. september 2022 14:43

Saltfiskurinn var í forgrunni hjá suðrænum kokkanemu sem léku listir sínar í Salt Eldhúsi á dögunum. LJÓSMYNDIR/VALLI.

Ekki missa af Helstu tíðindum dagsins í pósthólfið þitt

Lesa nánar

Undanfarin ár hafa matreiðslunemar í Suður Evrópu keppt í eldamennsku á íslenskum saltfiski undir merkjum Bacalao de Islandia, markaðsverkefni á vegum Íslandsstofu.

Þessar keppnir hafa farið fram á Spáni, Portúgal og Ítalíu, þar sem íslenski saltfiskurinn þykir herramannsmatur, en þar byggja margar þekktustu sælkerauppskriftirnar á saltfiski. Á fimmtudaginn síðastliðinn var svo komið að því að leyfa Íslendingum að njóta, þegar nemarnir komu saman og endursköpuðu réttina fyrir gesti í Salt Eldhúsi. Á meðal þeirra sem fengu að njóta voru frú Eliza Reid og Svandís Svavarsdóttir, matvælaráðherra. Mikið var um dýrðir í matargerðinni og slógu saltfiskréttirnir í gegn.

Keppnin ber heitið Concursode Escuelas Culinarias Bacalao de Islandia. Er hún byggð upp ekki ólíkt Masterchef sjónvarpskeppnunum sem margir kannast við. Þetta er annað árið sem hún fer fram í fyrrnefndum þremur löndum og er hún óðum að festa sig í sessi meðal matreiðslunema. Markmiðið er að ná til þess mikilvæga hóps. Það var sérstakt ánægjuefni að þetta árið var meirihluti þátttakenda stúlkur og tvær efnilegar matreiðslukonur voru í hópi sigurvegara, þær Sónia de Sá frá Viana do Castelo í Portúgal og Alba González frá Málaga á Spáni, auk Diego de Leiva frá Sorento á Ítalíu.

Íslenska Kokkalandsliðið hefur um árabil verið samstarfsaðili Íslandsstofu, um sáu meðlimir þess um móttökuveitingar og vínpörun. Að móttöku lokinni komu nemarnir hver af öðrum og kynntu rétti sína og var Vilhelm Neto í hlutverki kynnis veislunni, enda annálaður aðdáandi saltfiskmatargerðar.

Þessi hópur hélt svo áfram ferð sinni um landið um helgina og heimsótti meðal annars Reykjanes, þar sem sumir stærstu framleiðendur saltfisks í Íslandi eru staðsettir. Með í för eru blaðamenn frá ABC dagblaðinu á Spáni og Food & Travel í Portúgal og munu þessir miðlar gera ferðinni til Íslands og matreiðslukeppninni skil á næstu dögum. Næstu CECBI keppnir fara fram í febrúar-apríl 2023 á Spáni, Ítalíu og Portúgal.

Hér fyrir neðan má sjá svipmyndir frá kvöldinu í Salt Eldhúsi þar sem suðrænu kokkanemarnir léku listir sínar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
Fyrir 3 vikum

Sigurður Már hreppti titilinn kökugerðarmaður ársins

Sigurður Már hreppti titilinn kökugerðarmaður ársins
Matur
Fyrir 3 vikum

Heimsþing bakara og kökugerðarmanna haldið á Íslandi

Heimsþing bakara og kökugerðarmanna haldið á Íslandi
Matur
31.08.2022

Amerískar súkkulaðibitakökur með mjúkri miðju sem þú átt eftir að elska

Amerískar súkkulaðibitakökur með mjúkri miðju sem þú átt eftir að elska
Matur
29.08.2022

Lindudrykkurinn slær í gegn – Fullkomin byrjun á góðum degi

Lindudrykkurinn slær í gegn – Fullkomin byrjun á góðum degi
Matur
18.08.2022

Veitingastaðurinn Héðinn Kitchen & Bar áfram í alþjóðlegum verðlaunaflokki

Veitingastaðurinn Héðinn Kitchen & Bar áfram í alþjóðlegum verðlaunaflokki
Matur
16.08.2022

Hraunflóðið sigraði brauðtertukeppni ársins

Hraunflóðið sigraði brauðtertukeppni ársins
Matur
06.08.2022

Fullkominn bleikur Cosmopolitan fyrir laugardagsgleðina

Fullkominn bleikur Cosmopolitan fyrir laugardagsgleðina
Matur
05.08.2022

Tacos skálar á 15 mínútum sem slá í gegn

Tacos skálar á 15 mínútum sem slá í gegn