fbpx
Fimmtudagur 26.maí 2022
Matur

Sítrónukakan franska sem þið eigið eftir að elska

Sjöfn Þórðardóttir
Miðvikudaginn 27. apríl 2022 09:39

Sítrónukakan er syndsamlega ljúffeng og steinliggur. Einfaldleikinn er oft langbestur. Mynd/SÞ

Ekki missa af Helstu tíðindum dagsins í pósthólfið þitt

Lesa nánar

Hér er á ferðinni uppskrift úr smiðju minni, Matarást Sjafnar, Sítrónukökunni frönsku. Hún er fullkomin til að bjóða í eftirrétt á fallegum sumardögum og parast til að mynda dásamlega vel með kampavíni eða þeim drykkjum sem hver og einn velur sér. Þessi kaka steinliggur, einföld í bakstri og svo syndsamlega góð. Ég tvista hana stundum til og bæti við súkkulaðidropum í deigið þegar það er komið í formið áður en hún fer inn í ofn eða geri jafnvel tvær, eina klassíska og hina með súkkulaðidropum. Allt hráefnið í kökuna fæst í Bónus.

Sítrónukakan franska

1 sítróna

150 g smjör

3 egg

3 dl sykur

2 tsk. vanillusykur

2,5 dl hveiti

flórsykur til skrauts

Hitið ofninn í 175°C. Byrjið á því að þvo sítrónuna og fínrifið börkinn af sítrónunni og pressið út í 1-2 matskeiðar af safanum. Bræðið smjör í potti. Takið pottinn af hitanum og blandið öllum hráefnunum út í brædda smjörið, ásamt sítrónuberkinum og safanum og hrærið vel saman. Smyrjið kringlótt álform eða smelluform með smjöri og stráið smá hveiti í það. Hellið deiginu í formið. Bakið í miðjum ofninum í um það bil 20 mínútur. Athugið baksturstíminn getur verið breytilegur eftir ofnum alveg frá 18 mínútum upp í 25 mínútur en 20 mínútur er sá tími sem ég baka kökuna og hún er fullkomin eftir þann tíma. Látið hana kólna og stráið síðan yfir hana flórsykri áður en hún er borin fram.

Ef þið viljið bæta við súkkulaðidropum þá eru súkkulaðidroparnir frá Freyju rosalega góðir í þessa.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
Fyrir 2 vikum

Dýrindis helgarmatseðill af betri gerðinni sem steinliggur

Dýrindis helgarmatseðill af betri gerðinni sem steinliggur
Matur
Fyrir 2 vikum

Sjáið matseðilinn á Hnoss á HönnunarMars

Sjáið matseðilinn á Hnoss á HönnunarMars
Matur
Fyrir 3 vikum

Hver verður kokkur ársins 2022?

Hver verður kokkur ársins 2022?
Matur
Fyrir 3 vikum

Helgarmatseðillinn með sumarlegu ívafi

Helgarmatseðillinn með sumarlegu ívafi
Matur
16.04.2022

Seiðandi saltimbocca að hætti Ítala sem rífur í

Seiðandi saltimbocca að hætti Ítala sem rífur í
Matur
15.04.2022

Páskamáltíðin í boði Jóa Fel matgæðings og bakara

Páskamáltíðin í boði Jóa Fel matgæðings og bakara